N1 mótið skráning

Kæru foreldrar.

Foreldraráð óskar nú eftir því að foreldrar sendi inn skráningu ætli barn
þeirra að taka þátt í N1 mótinu sem fram fer á Akureyri 2-5. júlí n.k.

Það sem fyrir liggur er eftirfarandi:

   - Strákarnir þurfa að vera mættir norður kl.13:00 miðvikudaginn 2. júlí
   og mótinu lýkur með verðlaunaafhendingu á laugardeginum um kvöldmatarleyti.
   Stefnt er að fara með rútu norður en foreldrar sjái um að koma drengjunum
   heim að loknu móti.
   - Innifalið í þátttökugjaldi er eftirfarandi:
      - Keppnisgjald (strákar + fararstjórar og þjálfarar)
      - Gisting í skólastofu
      - Sundferðir
      - Allur matur og millimál
      - Brynjuís
      - Glaðningur frá styrktaraðila
      - Rúta norður.

*Kostnaður við þátttöku er áætlaður 27.000.- 30.000 pr. barn *(gert er ráð
fyrir um 30 þátttakendum, 2 þjálfurum og 5 liðsstjórum). Gert er ráð fyrir
því að börn geti tekið þátt í sameiginlegri fjáröflun á vegum Fram.

*Þeir sem ætla að taka þátt í N1 mótinu þurfa að skrá barn sitt til
þátttöku á netfangið **[e-mail] <[e-mail]> **fyrir
fimmtudaginn 15. maí n.k.* en eftir það verður lokað á þátttöku.

Í skráningu þurfa að koma fram eftirfarandi upplýsingar:

   - Fullt nafn barns
   - Kennitala barns
   - Fullt nafn foreldra og símanúmer foreldra
   - Hvort foreldri verði á Akureyri
   - Hvort foreldri sé tilbúið að vera fararstjóri á mótinu
   - Hvort barn hafi sérþarfir, taki lyf eða annað slíkt sem rétt þykir að
   fararstjórar viti af.
   - Ef greiða á fyrir mótið eða hluta af mótinu með fjáröflunarpeningum.

*Greiða þarf kr. 15.000.- óafturkræft staðfestingargjald fyrir fimmtudaginn
15. maí n.k., *sama dag og skráning rennur út. Leggja þarf umræddan pening
inn á reikning nr. 0137-05-60445, kt. 130673-5389. og senda kvittun á
netfangið *[e-mail] <[e-mail]>*

Vinsamlegast athugið að eingöngu þeir leikmenn sem hafa æft vel og gengið
hefur verið frá æfingagjöldum fyrir eru gjaldgengir á þetta mót.
Vinsamlegast hafið samband við Daða íþróttafulltrúa ([e-mail]) varðandi
greiðslu æfingagjalda.

Nánari upplýsingar um mótið má finna á vefsíðu mótsins,
http://n1.ka-sport.is/2013/



Kynningarfundur fyrir foreldra, þar sem nánar verður farið yfir mótið,
verður haldinn um miðjan maí.



Kær kveðja,

Foreldraráð Fram - 5. flokkur karla.