Berjumst gegn einelti

Góðan dag

Meðfylgjandi er umfjöllun sem Villi þjálfari setti inn á facebook síðu 4. flokks drengja og á jafn vel við hér:

Í ljósi þeirra umræðu sem hefur verið á undanförnu og að skólarnir eru að fara aftur af stað langar mig að tala aðeins um einelti.

Einelti er ein gerð ofbeldis sem þarf ekki endilega að vera líkamleg en getur verið andleg og getur haft áhrif á líf einstaklings að eilífu. Ég veit að þið eruð allir flottir drengir en í sannleikanum er alltaf einhver sem lendir í því að verða fyrir einelti og oft fattar maður ekki sjálfur hvort verið sé að leggja í einelti. Ég bið ykkur strákar alla um að standa saman og berjast gegn þessu í skólum og á æfingum ef að þið verðið varir við eitthvað slíkt. Það er oft svoleiðis að sá sem er að leggja í einelti líður sjálfum eitthvað illa og þarf jafnvel hjálp með sín eigin vandamál. Við þjálfarar viljum fá að vita ef að einhverjum líður illa svo hægt sé að koma í veg fyrir það, sama hvort það sé í skólanum eða á æfingum.

Engin einstaklingur er alveg eins og öll erum við mismunandi. Það á engin að þurfa að líða fyrir það þó einhverjum öðrum finnst hann vera skrítinn. Þið eruð allir ótrúlega flottir strákar sem eigið að standa saman sem liðsheild og berjast gegn einelti. Þá eru þið töffarar !!