Knattspyrnuskóli FRAM í Úlfarsárdal 7. - 16.ágúst

Knattspyrnuskóli FRAM í Úlfarsárdal

Knattspyrnuskólinn hefur fengið gæðavottun frá KSÍ

 

Dagana 7. – 16. ágúst verður haldið knattspyrnunámskeið á æfingasvæði okkar Framara í Úlfarsárdal. Námskeiðið er frá kl. 9:30 – 12:00, átta virka daga.

Námskeiðið er ætlað strákum og stelpum á aldrinum 5 – 12 ára og er skipt í hópa eftir aldri og ýmsum öðrum þáttum.

Farið er yfir marga af grunnþáttum knattspyrnunnar og margt til gamans gert. Tækniæfingar, skotæfingar, sendingar og sköllun eru þar á meðal.

Kennsla er í höndum þjálfara yngri flokka Fram sem hafa áralanga reynslu og mikla menntun í knattspyrnuþjálfun. Þetta eru þeir Halldór Örn Þorsteinsson, yfirþjálfari og þjálfari 5. flokks drengja, Vilhjálmur Þór Vilhjálmsson, þjálfari 4. og 5. flokks drengja, Vigfús Geir Júlíusson og Steinar Þorsteinsson, þjálfarar 6., 7. og 8. flokks drengja.

Góðir gestir koma í heimsókn og má þar nefna Ríkharð Daðason, þjálfara meistaraflokks karla og þá Ögmund Kristinsson og Hólmbert Aron Friðjónsson leikmenn meistaraflokks karla.

Verð á námskeiðið er kr. 7.000 og er skráning hafin hjá Daða íþróttafulltrúa, [e-mail] s. 587-8800 -og Steinari, [e-mail] og gefa þeir nánari upplýsingar ef með þarf.

Hægt er að greiða í gegnum skráningar- og greiðslusíðu Fram á netinu og með millifærslu á reikning 0175-26-002843 kt. 060183-5389. Kvittun sendist á netfangið [e-mail] með nafni barns sem skýringu.

Þátttaka er ekki staðfest fyrr en greiðsla hefur borist.

http://fram.is/2013/07/knattspyrnuskoli-fram-i-ulfarsardal-7-16-agust/  

Athugasemdir

[Jóhanna Ella (IP-tala skráð) 21.7.2013 kl. 21:50]

Sælir, ég steingleymdi að tilkynna sumarfrí hjá honum Leó í beinu framhaldi af N1 mótinu. Afsakið það, hann sem sagt kom að norðan núna á föstudaginn, og kemur eflaust á næsta námskeið.

Hann er nú vanur að mæta á allar æfingar, ég bara steingleymdi að láta vita.

passa mig næst:)

kveðjur

Jóhanna Ella

p.s. takk fyrir skemmtilegt mót