Knattspyrnunámskeið í Egilshöll

Haldið verður þriggja daga knattspyrnunámskeið í Egilshöll í dymbilvikunni; dagana fyrir páska.

Æft verður 25., 26. og 27. mars við bestu aðstæður. Þessa daga er frí í grunnskólum.

Mánudaginn 25. mars kl. 9:30 – 11:00

Þriðjudaginn 26. mars kl. 8:30 – 10:00

Miðvikudaginn 27. mars kl. 9:30 – 11:00

Almennt námskeið fyrir 9 – 12 ára stráka og stelpur þar sem farið er í grunnþætti knattspyrnunnar. Megináherslan lögð á knatttækni og skotæfingar.

Þjálfarar eru Halldór Örn Þorsteinsson og Vilhjálmur Vilhjálmsson knattspyrnuþjálfarar hjá Fram. Halldór er yfirþjálfari knattspyrnudeildar Fram og þjálfari 5. flokks drengja. Hefur yfir tveggja áratuga reynslu í þjálfun og KSI A þjálfaragráðu, sem er hæsta gráða sem boðið er upp á hér á landi. Vilhjálmur er íþróttafræðingur að mennt og hefur þjálfað hjá Fram til fjölda ára. Hann þjálfar nú 4. og 5. flokk drengja hjá félaginu.

Þátttökugjald er kr. 5.000.

Nánari upplýsingar í síma 862 5190. Skráning fer fram á netfanginu [e-mail]  

Skráið nafn og kennitölu fyrir miðvikudaginn 20. mars.  Þegar búið er að skrá einstakling 
á námskeiðið verða sendar upplýsingar til baka með bankaupplýsingum. Þegar viðkomandi er búinn að borga gjaldið er hann skráður á námskeiðið.

Sérstaklega er bent á að mjög takmarkaður fjöldi þátttakenda verður tekinn inn á námskeiðið. Þannig er tryggt að hver og einn leikmaður fái mikla athygli þjálfara. Skráið því sem fyrst til að tryggja öruggt pláss á námskeiðið.

Athugasemdir

[Þrándur Orri (IP-tala skráð) 15.3.2013 kl. 21:34]

Þrándur Orri ætlar að taka þátt í þessu námskeiði...er búin að senda póst:)

Bkv. Þórhildur