Goðamótið 2013 - upplýsingar - skrá þarf þátttöku í síðasta ...

18.11.2012 | 21:34

Goðamótið 2013 - upplýsingar - skrá þarf þátttöku í síðasta lagi fimmtudaginn 23. nóvember n.k.

Kæru foreldrar.

Foreldraráð kannar nú hvort áhugi sé fyrir þátttöku í Goðamótinu 2013, sem fram fer á Akureyri 15-17. febrúar n.k. (í Boganum) Þau drög sem lögð eru til grundvallar eru eftirfarandi:

Öll börn fara með rútu til Akureyrar snemma föstudagsins 15. febrúar og komið aftur heim á sunnudagskvöld 17. febrúar.
Innifalið í þátttökugjaldi er eftirfarandi:
- 6 leikir í Goðamótinu (2x15 mínútur)
- Keppnisgjald (strákar + fararstjórar og þjálfarar)
- Rútuferð báðar leiðir (50 manna rúta)
- Gisting í skólastofu
- Sundferð
- Allur matur (morgunmatur laug/sun - hádegismatur laug - kvöldmatur föst/laug - grill á sunnudegi fyrir brottför). Að auki verður millimál í boði Fram (fáum styrktaraðila til að veita okkur brauð, álegg og ávexti)
- Brynjuís
- Glaðningur frá styrktaraðila

Kostnaður við þátttöku er áætlaður 17.000.- pr. barn (miðað við 40 þátttakendur, 2 þjálfara og 5 fararstjóra). Gert er ráð fyrir því að farið verði í fjáröflun fyrir og/eða eftir jól vegna þessarar ferðar.

Ekki verður farið í ferðina nema næg (góð) þátttaka fáist.

Þeir sem hafa áhuga á að taka þátt í Goðamótinu eru vinsamlegast beðnir um að skrá barn sitt til þátttöku á netfanginu framskraning@gmail.com í síðasta lagi fimmtudaginn 23. nóvember n.k. en eftir það verður lokað á þátttöku.

Í skráningu þurfa að koma fram eftirfarandi upplýsingar:

Fullt nafn barns
Kennitala barns
Fullt nafn foreldra og símanúmer foreldra
Hvort foreldri verði á Akureyri
Hvort foreldri sé tilbúið að vera fararstjóri á mótinu
Hvort barn hafi sérþarfir, taki lyf eða annað slíkt sem rétt þykir að fararstjórar viti af

Gert er ráð fyrir því að ef farið verði í mótið muni foreldrar þurfa að borga kr. 10.000.- óafturkræft staðfestingargjald fyrir jól og greiða ferðina að fullu seinnipart janúar n.k.

Kær kveðja,

Foreldraráð Fram - 5. flokkur karla.

Flokkur: Bloggar | Facebook