Minnispunktar frá foreldrafundi í síðustu viku

Halldór og Vilhjálmur þjálfa flokkinn, Halldór er jafnframt yfirþjálfari yngri flokka

Allar upplýsingar eru gefnar upp í gegnum bloggsíðu flokksins en sjaldnast er sendur tölvupóstur eða miðar, nema það sé eitthvað sérstakt sem þarf örugglega að komast til skila.  Foreldrar hvattir til að kíkja daglega inn á bloggsíðuna, og hvetja börnin til þess líka.  Vefslóðinn er http://fram5flokkurkarla.blog.is/blog/fram5flokkurkarla/ 

Á bloggsíðu er m.a. að finna upplýsingar um áherslur og stefnu, um tækni og leifræðilega þætti sem verið er að vinna í með strákunum.  Jafnframt aðrar gagnlegar upplýsingar.  Áherslur verða lagðar á varnarstöður leikmanna og liðsins alls

Verið er að vinna í að auka þol og styrk strákanna, bæði með og án bolta

Flokkurinn er tvískiptur að mestu á æfingum, það er 1x sameiginleg æfing í viku þar sem boðið er uppá rútu.  Er það meira en í fyrra þegar engin sameiginleg æfing var.  Þjálfurum finnst þeir sjá strax á hópnum að sameiginleg æfing skilar árangri, styrkir og hristir saman hópinn

Æfingar eru 3x í viku – heimilt er að sækja aðrar æfingar (í hinum bæjarhlutanum) en þá verða börn að koma sér sjálf á milli (ekki boðið upp á rútur)

Þjálfarar skrá allar mætingar, strákar verða að láta vita ef þeir komast ekki – hægt að skrá inn á bloggsíðuna en það þarf að geta þess hvers vegna viðkomandi kemst ekki

Það eru um 47 strákar sem hafa verið að mæta undanfarið, flestir mjög vel.  Breiddin er meiri í hópnum en í fyrra.  Það eru um 28-30 strákar úr Grafarholti og um 14-16 strákar úr Safamýri

Í ár varð sú breyting á að það var ekki æfingafrí í september eins og alltaf hefur verið.  Sú breyting ætti að gagnast vel fyrir verkefni vetrarins en í staðinn verður eilítið lengra jólafrí – frá miðjum desember og fram í miðjan janúar.

Stefnt er á að hafa æfingaleik í nóvember (var æfingarleikur nú í október)

Stefnt er á þátttöku í jólamóti í desember, annað hvort í Fífunni (Breiðarblik) eins og í fyrra eða í Egilshöll

KRR hélt ekki haustmót í ár

Verið er að vinna í að fá markmannsþjálfun fyrir 3. - 6. flokk stráka

Stefnt er á æfingaleik í febrúar

Eftir áramót hefst Reykjavíkurmótið, það er c.a. einn leikur í viku (líklega á laugardögum)

Verið er að skoða möguleikana á að taka þátt í Goðamóti á Akureyri sem haldið er 17. febrúar (er yfir helgi - foreldraráð og þjálfarar eru að safna upplýsingum).  Stefnt er að fara með rútu, keppt er í höllinni og 7 leikir eru tryggðir á lið.  Yrði mjög góður undirbúningur fyrir sumarið og ævintýri fyrir strákana (og foreldra sem vilja koma með).  Stefnt er á að safna öllum upplýsingum (tíma + kostnað) og senda út á foreldra í byrjun nóvember – fá síðan endanlegt svar hjá foreldrum um þátttöku í miðjan desember (af eða á).  Áætlaður kostnaður er um kr. 20.000 en foreldraráð er vongott um góða fjáröflunarleið til að mæta þeim kostnaði.

Í febrúar/mars eru líka í boði dagsmót á Akranesi og í Keflavík (færri leikir – minna ævintýri)

Fram er í A-riðli á Íslandsmótinu í sumar, vegna árangurs síðasta sumars þegar liðið komst upp.  Íslandsmótið er leikur og leikur (ekki keppnishelgar), nánari upplýsingar eru/verða aðgengilegar á ksi.is  Íslandmótið hefst í lok maí og er út ágúst (KSÍ frí í enda júlí og fyrri hluta ágúst).  Hvert lið getur farið alla leið í Íslandsmótinu (keppir um íslandsmeistaratitil innan síns styrkleika (a-b-c-d-e-f)

N1-mótið er fyrstu helgina í júlí.  Hefðbundinn undirbúningur mun eiga sér stað en stefnt er á að vera fyrr á ferðinni með allar ákvarðanatökur en áður, t.d. að endanlegur þátttakendalisti liggi fyrir (fjárhagsleg skuldbinding) í febrúar.  Ástæðan fyrir þessu er að einfalda skipulag og undirbúning, t.a.m. með liðsskipan, fararstjórn ofl

Þjálfarar vilja minna foreldra, sem eiga að minna börnin á, að þótt leikur tapist er ekki svo að allt sé ómögulegt.  Lið geta gert góða hluti, spilað góðan fótbolta þar sem allt sem verið er að kenna og þjálfa er nýtt til hins ýtrasta þótt það mæti sterkara liði og tapi.  En árétta að fara á í hvern einasta leik með því hugafari að standa sig vel og sigra

Þjálfarar og foreldrar þurfa að brýna saman fyrir börnunum að teygja eftir æfingar, minnkar álag og líkur á meiðslum

Val á liðum skýrist í vetur.  Fyrst og fremst er tekið mið af styrkleika svo hægt sé að leggja upp með að hver og einn strákur fái verkefni við sitt hæfi – þótt svo að auðvitað sé horft til aldurs og vinskaps að einhverju marki.  Strákarnir eru prófaðir áfram á æfingum og í æfingaleikjum.  Allir þurfa að hvetja til sáttar og gleði með val á liðum.

Ekki er alveg ljóst hvort flokkurinn verður með 5 eða 6 lið í sumar, fer eftir endanlegum fjölda á æfingum.  Lagt upp með að vera ekki með of marga í hverju liði, helst 1 skiptimann í hverju liði

Æfingar og leikir eru sett upp í góðu samstarfi við handboltann – þótt svo að enn og aftur sé sú staðreynd uppi að fótboltaæfingar séu í beinu framhaldi af handboltaæfingu.  Þjálfarar sjá mun á strákum sem koma beint af öðrum æfingum – má ætla að það bitni á þeim þjálfunarlega og æfingin í heild verður ekki af sömu gæðum

Þjálfarar vilja sem best samstarf og samskipti við foreldra, biðja þá um að vera í sambandi við sig ef eitthvað er – annað hvort í gegnum bloggið eða beint (ef um persónulega hluti er að ræða).  Vilja heyra jafnt í foreldrum um jákvæða sem og neikvæða hluti

Þjálfarar minna á að börn eiga að vera með legghlífar á æfingum – biðja foreldra um að beina því að börnunum líka og passa uppá

Þjálfarar brýna fyrir börnunum að góð upphitun sé mikilvæg – áður en farið er í að sparka bolta eða spretta

Í foreldraráði eru:  Sólberg (solberg@rls.i.s), Svali ([e-mail]), Rúna ([e-mail] og Þorvaldur ([e-mail])

Foreldraráð stefnir að því að gera eitthvað eitt skemmtilegt fyrir strákana (móralskt) í hverjum mánuði (í að minnsta á 2x mánaða fresti)

Athugasemdir

[Torfi (IP-tala skráð) 1.11.2012 kl. 11:32]

Kristján Óli er veikur og kemur ekki á æfingu í dag

[Ástthór (IP-tala skráð) 1.11.2012 kl. 15:10]

Kem ekki á æfingu er enn veikur.

[Patrik Ás (IP-tala skráð) 1.11.2012 kl. 15:13]

kemst ekki á æfingu, er veikur