Markmið í tækni- og leikfræðilegum þáttum

5. fl. karla og kvenna (11-12 ára).

 

Í þessum aldurshópi er áframhaldandi  áhersla á fjölbreytta  þjálfun þar sem byggt er ofan á þann grunn sem fyrir er. Leitast er við að koma til móts við þarfir hvers og eins og miða æfingar að því. Tækni og leikfræðileg  atriði fá aukið vægi. Iðkendur læri háttvísi og temji sér góða framkomu innan vallar sem utan. Þeir læri að bera virðingu fyrir samherjum, mótherjum, þjálfara, dómara, áhorfendum, félaginu og aðstöðu þess. Sjá nánar í kafla 14.4 í námskránni, um þjálfun barna.

Í 5. flokki er markmiðið að iðkendur nái enn betra valdi  á eftirfarandi atriðum:

 

Knattrak

-          Innanfótar og utanfótar h/v

-          Knattrak með gabbhreyfingum

-          Knattrak þar sem bolta er haldið

-          Hratt knattrak

 

Knattmóttaka

-          Móttaka jarðar-og hárra bolta,  innan- og utanfótar, með rist, læri og bringu.

 

Varnarstaða

-          Rétt staða gengt andstæðingi með knött

-          Frá hægri/vinstri

 

Skot og sendingar

-          Innan og utanfótar

-          Innan á rist

-          Með rist

-          Sendingar með jörðu og á lofti

 

Sköllun

-          Með enni úr kyrrstöðu eftir uppgjöf (beint fram og til beggja hlið)

-          Skalli eftir uppstökk og bolvindu (með snúningi)

-          Jafnfætis og af öðrum fæti

-          Einfaldur skallatennis

-          Skallað á mark eftir fyrirgjöf

 

Leikfræði

-          Knattspyrnulíkir leikir

-          Markskot

o   Eftir samspil

o   Eftir knattrak

o   Skot á ferð

 

-          Leikfræði liðs og föst leikatriði

o   Innköst

o   Hornspyrna

o   Aukaspyrna

o   Vítaspyrna

o   Leikið 1:1, 7:7 með ýmsum afbrigðum, t.d með jafnmarga og mismarga í liði.

o   Leikæfingar þar sem fáir eru í liði (farið yfir undirstöðuatriði liðssamvinnu)

 

Liðleiki

-          Teygjur

 

Athugasemdir

[Sigurlaug Sigurjónsdóttir (IP-tala skráð) 9.10.2012 kl. 09:01]

Steinn er lasinn í dag

[Sigurður Hafliðason (IP-tala skráð) 10.10.2012 kl. 16:03]

Sælir félagar

það er ein spurning sem brennur á mér og það er með markmannsþjálfun verður hún sett aftur inn

Kv Sigurður pabbi Halldórs

[Villi Þjálfari (IP-tala skráð) 10.10.2012 kl. 17:45]

Sæll Siggi, það er búið að ganga frá því að markannsþjálfari verður einu sinni í viku. Það mun skýrast á næstu dögum hvenar hún mun fara fram :)

Kv. Villi