Riðlakeppni Íslandsmótsins lokið - A liðið fer í úrslitakeppni

Gott kvöld

Riðlakeppni Íslandsmóts 5. flokks drengja lauk nú í dag.

Óhætt er að segja að við Framarar höfum staðið okkur vel í mótinu sem náði yfir þrjá mánuði.

A-liðið endaði í 2. sæti í riðlinum og fer í úrslitakeppni um 1. og 2. september í Kópavogi. Þessi árangur A liðsins gerir það að verkum að 5. flokkurinn færist upp úr B-riðli og spilar í A-riðli á næsta tímabili. Frábært að félagið skuli aftur leika með þeim bestu í þessum aldursflokki.

Mjög litlu munaði að B og D lið næðu að komast í úrslit og vantaði aðeins herslumuninn þar á.

C-liðið var í ákveðnum vandræðum með að ná inn stigum á þessu tímabili, en spilamennska liðsins var oft á tíðum mjög góð. Fínir leikir komu t.d. í lok mótsins gegn HK og FH.

Við getum verið stoltir af árangri okkar í þessu langstærsta móti sumarsins strákar. Þið stóðuð ykkur eins og hetjur.

Kveðja,

Dóri og Villi