Aukaæfing á morgun, föstudag kl. 15 í Úlfarsárdal

Góðan dag

Á morgun, föstudag verður aukaæfing fyrir allan 5. flokk drengja í Úlfarsárdal kl. 15 - 16:15.

Mikilvægt er að allir leikmenn flokksins mæti.

Athugið að það verða tvær sameiginlegar æfingar hjá flokknum í sumar, ein í Úlfarsárdal og ein í Safamýri og því ráð að leikmenn og foreldrar kynni sér strætó leiðir á milli staða. Sumarplanið verður auglýst mjög fljótlega.

Munum að það er aukaæfingin sem skapar meistarann.

Kveðja,

Þjálfarar 

Æfingar í dag

Góðan dag

Það eru æfingar hjá okkur í dag eins og venjulega.

Safamýri kl. 15:30

Úlfarsárdalur kl. 17

Mætum allir!

Kveðja,

Dóri og Villi 

Æfingin í dag byrjar kl. 15:45 í Safamýri í dag

Góðan dag

Æfingin byrjar kl. 15:45 í Safamýri í dag.

Mætum hressir

Kveðja,

Þjálfarar 

Leikið gegn Breiðabliki 2 í dag í Safamýri

Góðan dag

Leikir í dag gegn Breiðabliki 2 í Safamýri hjá öllum liðum.

Sjá mætingatíma í bloggfærslunni hér að neðan.

Athugið að það eru engar rútur í dag í leikina, leikmenn verða að koma sér sjálfir fram og til baka.

Kveðja,

Þjálfarar

Dagskrá vikunnar

Góðan dag

Dagskrá vikunnar hjá 5. flokki drengja er eftirfarandi:

Mánud. kl. 16:00  Æfing í Úlfarsárdal, ath. breyttur tími þennan dag

Þriðjud. - leikir gegn Breiðabliki 2 í Safamýri

  Lið 5 (nú C2) mætir kl. 15:30

A og C lið mæta kl. 16:20

B og D lið mæta kl. 17:10

 

Miðvikud. - æfing kl. 16 í Safamýri

Fimmtud. - æfingar kl. 15:30 í Safamýri og kl. 17 í Úlfarsárdal

Kveðja,

Þjálfarar 

Leikið gegn Breiðabliki á morgun og föstudag í Úlfarsárdal

Góðan dag

Á morgun, fimmtudag og síðan á föstudag leikum við okkar fyrstu leiki í Íslandsmóti gegn Breiðabliki í Úlfarsárdal.

 Við leikum á morgun í A, B, C og D liðum.

A, B og C lið eru eins skipuð og áður, en lið 4 sem lék sem C2 í Reykjavíkurmóti leikur nú sem D lið í Íslandsmóti í A-riðli. Lið 5 leikur nú sem C2 í C riðli.

A og C lið mæta á kl. 16:20 (fimmtudagur)

B og D lið mæta kl. 17:10 (fimmtudagur)

Á föstudag leikur lið 5 (nú C2 lið) gegn Breiðabliki og er mæting kl. 15:00 í Úlfarsárdal.

Mikilvægt er að þjálfarar séu látnir vita um forföll eins fljótt og auðið er.

Kveðja,

Villi og Dóri 

Umfjöllun um Reykjavíkurmótið

Góðan dag

Reykjavíkurmótinu lauk nýverið og erum við þjálfararnir ánægðir með drengina á mótinu. Heilt yfir léku liðin vel, en þó misjafnlega og voru stundum mjög góðir leikir og annars miður góðir.

Áherslan var fljótlega lögð á að æfa það á æfingum og fara með í leikina að halda boltanum betur innan liðsins. Við vorum í vetur of mikið að sparka boltanum frá okkur "eitthvað" þar sem við vorum hræddir við að missa hann. Einnig vorum við smeykir við að taka andstæðinginn á í stöðunni einn á móti einum. Þetta æfðum við markvisst á æfingum og settum um leikfræðilegar æfingar til að laga þessi atriði og er óhætt að segja að það hafi tekist vel. Lagt var upp með að leyfa öllum drengjunum að spila og að farið yrði í hvern leik til að gera sitt allra besta og vera óhræddir við andstæðinginn og alls ekki óttast að tapa og gera mistök.

Við þjálfararnir erum afar stoltir af frammistöðu ykkar í mótinu strákar og vonum að þið haldið áfram á sömu braut og þannig eigum við skemmtilegt sumar framundan. 

Meðfylgjandi er stutt umfjöllun um hvert lið fyrir sig:

A-lið

4.sætið varð niðurstaða A-liðsins í Reykjavikur mótinu þetta árið. Það er að sjálfsögðu alveg ágætis árangur en við erum hungraðir og viljum gera betur. Við unnum öll liðin sem enduðu fyrir neðan okkur en náðum ekki að gera nægilega vel gegn topp þremur liðunum. Það spilar kannski smá inn í að smá forföll voru í liðinu oft á tíðum en menn aðrir menn komu inn og stóðu sig vel. Við þjálfarar viljum fá meiri trú á okkur og það á engin virðing að vera í garð andstæðingana sama hvað þeir heita. Við þurfum að vera óhræddir við að spila boltanum á milli manna og finna besta færið. Einnig þurfum við að vera skynsamari í varnarleik okkar gegn sterkum liðum þar sem of margir falla í þá gryfju að horfa of mikið á boltan og gleyma varnarhlutverki sínu og þeim mönnum sem þarf að hafa gætur á. Þetta er oft bara einbeitingarleysi sem hægt er að laga ef vilji er að ykkar hálfu til þess að gera svo. Ef við náum skipulögðum varnarleik með beinskeytum sóknum þá getum við staðið í öllum liðum á þessu landi . Við þjálfarar erum í engum vafa með það en til þess þarf metnað, hungur, baráttu og vilja. Það er staðreynd að það er auðveldara að gefast upp og leggja árar í bát gegn oft sterkari liðum þegar illa gengur en við ætlum okkur að vera það lið sem fær þann stimpil að erfitt sé að spila við okkur. 

B-lið

B-liðið var það lið sem kom okkur þjálfurunum hvað mest á óvart. Eftir afar erfitt gengi í leikjum vetrarins vorum við alls ekki vissir um hvað væri í vændum. En þið strákar voruð alveg frábærir í mótinu og eftir sigurinn gegn Fylki var ekki aftur snúið og frá og með þeim leik var enginn slakur leikur hjá liðinu. Við fórum að halda boltanum vel, sækja hratt upp völlinn og vorum alls óhræddir við andstæðingana. Niðurstaðan varð síðan 6. sætið en hafa ber vel í huga að það munaði bara þremur stigum á okkur og liðinu sem sigraði, þ.e. Víkingur en þá unnum við í síðasta leik. Leikurinn gegn KR varð okkur líka afdrifaríkur þar sem við sóttum og sóttum, við fengum dæmt víti sem af einhverjum óskiljanlegum ástæðum var hætt við að dæma þannig að það er skammt stórra högga á milli í þessu. Engu að síður eru 16 stig frábær uppskera og nú verðum við að halda áfram þessum dampi og alls ekki detta niður. Þið sýnduð það í þessu móti strákar að þið getið þetta!

C-lið 

Þetta lið var skipað yngri árs leikmönnum og er óhætt að segja að leikir okkur í mótinu hafi verið misjafnir. Við áttum frábæra leiki sem við unnum örugglega og síðan duttum við algjörlega niður inn á milli. Endum mótið í 4. sæti en með mikinn stigafjölda. Sérstaklega áttum við erfitt uppdráttar þegar við lentum undir og höfðum við ekki karakter að rífa okkur upp. Það var stórkostlegt að sjá ykkur spila strákar þegar allir eru vel stemmdir en maður þarf að reyna að hafa meiri stöðugleika í þessu og vera alltaf vel stemmdir þegar kemur að leikjum. Kostir okkur í þessu liði er fyrst og fremst að við erum góðir einn á móti einum og getum sótt hratt að andstæðinum og þannig skapað okkur mikið af færum. Það vantar enn talsvert upp á að við séum að sækja upp kantana og senda boltann til hliðar en ekki svona mikið beint upp völlinn og leita of fljótt af úrslitasendingu. Við getum ekki staðið beint fyrir aftan andstæðinginn og veifað höndum og viljað þannig fá boltann, heldur þurfum við að hreyfa okkur boltalausir frá andstæðingnum. Þetta erum við stöðugt að æfa strákar og stundum tekst þetta vel, en allt of oft föllum við í sama farið. Síðan gegn sterkum andstæðingum missum við boltann of mikið á hættulegum stöðum og fáum skyndisóknir á okkur. Þið hafið alla möguleika strákar á að gera þetta sumar mjög skemmtilegt og þið verðið að hlusta betur á það sem þjálfararnir eru að segja við ykkur. Þið standið ykkur mjög vel!

C2 lið

Breiddin í hópnum okkar er mikil og C2 liðið stóð sig eins og hin liðin afar vel í mótinu. Leikir okkar voru reyndar misjafnir og glímdum við það afar sérstaka vandamál að nokkrum sinnum kom það fyrir að leikmenn úr þessu liði mættu ekki til leiks og létu ekkert af sér vita. Það er náttúrulega eitthvað sem gengur ekki upp strákar og má ekki koma fyrir. Liðið átti frábæra spretti á mótinu og oft gaman að sjá ykkur spila drengir. Það má að vissu leyti segja það sama um ykkur og C liðið að við spilum of mikið beint upp völlinn og leitum of fljótt að úrslitasendingu í stað þess að það séu alltaf möguleikar að senda til hliðar og út á kantana. Þannig þarf að vera mun betri hreyfing á ykkur boltalausum. Samvinna liðsins hefur yfirleitt verið góð en stundum vantað upp á betri samstöðu og vináttu í liðinu. Þetta hefur lítið bitnað hingað til á liðinu í leikjum en stundum verið vesen á ykkur á æfingum og rifrildi ykkar á milli. Það verðum við að laga og við verðum að hafa góðan anda innan liðsins. Enduðum mótið í 4. sæti og vantaði örlítið meiri stöðugleika til að ná aðeins ofar, en frábært hjá ykkur strákar!

D-lið

Gríðarleg breidd í hópnum kristallaðist í góðri frammistöðu D-liðsins í mótinu þar sem við endum í 3-4 sæti. Liðið spilar mjög hraðan bolta og höfum við eldfljóta leikmenn innan okkar raða sem láta mikið að sér kveða í hröðum sóknum okkar. Það sem hefur vantað upp á er að við höfum ekki verið nægilega fljótir til baka og því fengið full mikið af mörkum á okkur í sumum leikjum. Gaman hefur verið að sjá gott samspil liðsins á köflum og ótvírætt nokkrir leikmenn liðsins sem banka á dyrnar á liðunum fyrir ofan. Það þurfa samt allir að vera duglegir að mæta á æfingar því það skilar sér jú beint í betri árangur í leikjum. Okkur hefur gengið vel að sækja út á kantana en þó kemur fyrir að við reynum að troðast upp miðjuna og reynum að þrýsta okkur í gegn stystu leið að markinu. Okkur er alveg óhætt að senda boltann til hliðar og jafnvel til baka þegar ekki er hægt að sækja beint fram völlinn. Við erum mjög stoltir af frammistöðu ykkar í mótinu strákar og vonum að þið verðið áfram jafn jákvæðir! 

Minnum á æfingar í dag

Góðan dag

Æfingar í dag:

Kl. 14:30 í Úlfarsárdal

Kl. 16:00 í Safamýri

Mætum allir!

Kveðja,

Þjálfarar 

Æfingar og leikir í vikunni

Góðan dag

Það er ekki æfng hjá okkur í dag drengir.

Sameiginleg æfing að vanda á morgun í Safamýri kl. 17.

Miðvikudag höfum við æfingu í Safamýri kl. 16 eins og venjulega og það verður aukaæfing í Ulfarsárdal kl. 14:30 þann dag, þ.e. á miðvikudag. Við ætlumst til þess að leikmenn mæti á fótboltaæfingu en taki ekki handboltaæfingu fram yfir á þessum árstíma þegar handboltatímabilið er nánast búið og fótboltatímabilið er alveg komið á fullt.

Fyrstu leikir okkar í Islandsmóti eru í Ulfarsárdal á fimmtudag. Nánar kynnt fljótlega.

Sjá dagskrá Islandsmóts á meðfylgjandi krækju:

http://www.ksi.is/mot/leikir-felaga/?felag=108&vollur=%25&flokkur=420&kyn=1&dFra-dd=22&dFra-mm=05&dFra-yy=2013&dTil-dd=25&dTil-mm=09&dTil-yy=2013 

Kveðja,

Þjálfarar 

 

Keila í Egilshöll kl. 16:45 á fimmtudag

Góðan dag

Við ætlum að hafa félagslegt verkefni nú á fimmtudag í stað æfinga.

Það er keila í Egilshöll og er mæting kl. 16:45 og það verður búið kl. 18.

Hver og einn þarf að taka með sér kr. 1.100. 

Þetta verður geggjað stuð og síðan er beint í Eurovision á eftir.

Kveðja,

Foreldraráð og þjálfarar